Bústaðakirkja heldur hádegistónleika alla miðvikudaga í október klukkan fimm mínútur yfir tólf og safnar um leið fyrir Ljósið, endurhæfingarmiðstöð fyrir fólk sem greinst hefur með krabbamein. Yfirskrift ársins er Lífið er fegurð og gleði. Þennan miðvikudag koma fram Sigurður Flosason, Gunnar Hrafnsson, Einar V. Scheving og Jónas Þórir, organisti kirkjunnar, sem sér um dagskrá hádegistónleikanna að vanda. Aðgangur er ókeypis og gestum gefst kostur á að styrkja Ljósið. Léttar veitingar eru í safnaðarheimilinu á eftir gegn vægu gjaldi.