Bústaðakirkja

Bústaðakirkja var teiknuð af Helga Hjálmarssyni og vígð 28. nóvember 1971. Það sem fyrst sést eru glerverk Leifs Breiðfjörð í gluggunum. Til að þyngja gluggana ekki um of hengdi hann sjálft krossmarkið fyrir framan þá, fíngert, og dreifði smærri endurtekningum þess þannig að þær stefna allar að miðju þess. Verkið er óhlutbundið og unnið með texta úr Opinberunarbókinni í huga. Orgelið kom frá Th. Frobenius & Sønner í Kaupmannahöfn og hefur þrjátíu og eina rödd á þrjú hljómborð og fótspil; Guðni Þ. Guðmundsson, þáverandi organisti kirkjunnar, valdi raddirnar og Mogens Petersen raddaði það. Flygillinn í kirkjunni er í eigu Kammermúsikklúbbsins. Klukkurnar hanga í steyptu klukknaporti utan við húsið.