Jónas Þórir

Íslenskur organisti, fæddur árið 1956. Hann byrjaði að læra á orgel hjá Marteini H. Friðrikssyni og síðar hjá Herði Áskelssyni og Birni Steinari Sólbergssyni, og lauk kantorsprófi frá Tónskóla þjóðkirkjunnar. Hann hefur einnig lokið tónmenntakennaraprófi, numið píanóleik hjá Halldóri Haraldssyni og tónsmíðar hjá Atla Heimi Sveinssyni, og hélt til framhaldsnáms í orgelleik hjá Karsten Askeland í Bergen í Noregi. Jónas Þórir hefur um árabil verið organisti í Bústaðakirkju í Reykjavík, stjórnar Kammerkór Bústaðakirkju og hefur áður stjórnað Kirkjukór Laugarneskirkju, Kirkjukór Lágafellskirkju og Frímúrarakórnum. Hann er mikilvirkur undirleikari einsöngvara og hefur útsett og samið tónlist fyrir kóra, og í Bústaðakirkju heldur hann meðal annars utan um Bleikan október, röð hádegistónleika á miðvikudögum sem styrkja Ljósið.