Alina Ibragimova & Níunda

Edward Gardner stjórnar, og Alina Ibragimova leikur einleik í fyrsta fiðlukonsert Prokofíevs, verki sem skiptist á milli lýrískra laglína og átaka einleiksfiðlunnar við hljómsveitina. Þá hljómar níunda sinfónía Beethovens með einsöngvurum, Söngsveitinni Fílharmóníu og Kór Langholtskirkju. Gardner er aðalstjórnandi Fílharmóníusveitar Lundúna og tónlistarstjóri Norsku óperunnar. Tónleikarnir taka um tvær klukkustundir með hléi.