Andri Björn Róbertsson

Bassabarítón búsettur í Bretlandi. Hann söng í heimsfrumflutningi Lessons in Love and Violence eftir George Benjamin í Covent Garden árið 2018 og fór með sömu uppfærslu til Hollensku þjóðaróperunnar, Ríkisóperunnar í Hamborg og Óperunnar í Lyon. Hann hefur sungið hjá Opera North, í Glyndebourne og hjá Ensku þjóðaróperunni, þar sem hann var Harewood-listamaður, og var áður í óperustúdíói Opernhaus Zürich. Hann nam við Söngskólann í Reykjavík, Royal Academy of Music og National Opera Studio í Lundúnum og er prófessor í söng við háskólana í Newcastle og Northumbria. Hann sigraði í Ungum einleikurum árið 2011 og kom þá fyrst fram með Sinfóníuhljómsveit Íslands, í aríum eftir Händel, Bellini og Mozart undir stjórn Bernharðs Wilkinsonar.