KIMI ensemble: Þagnarómur

KIMI ensemble er tríó söngkonu, harmóníkuleikara og slagverksleikara og flytur einkum ný verk samin fyrir þessa óvenjulegu samsetningu. Efnisskráin Þagnarómur snýst um þögnina í tungumáli, menningu og sögu. Tvö ný verk eftir Guðmund Stein Gunnarsson og Ayu Yoshida eru frumflutt, og í þeim leita tónskáldin þagnarinnar í hefðbundinni japanskri ljóðlist og í íslensku máli. Verk ísraelska tónskáldsins Udi Perlman fjallar um þöggun palestínskra radda, Kolbeinn Bjarnason samdi sitt við ljóð palestínska skáldsins Refaats Alareers um von um betri framtíð, og verk danska tónskáldsins Jeppe Ernst hvílir á spennu þagnarinnar. Þórgunnur Anna Örnólfsdóttir syngur, Jónas Ásgeir Ásgeirsson leikur á harmóníku og Katerina Anagnostidou á slagverk. Tónleikarnir taka um sjötíu mínútur með hléi.