Jónsson, Hemstock, Gröndal kvartett kynnir nýja plötu

Kvartettinn sem bræðurnir Ólafur og Þorgrímur Jónssynir leiða heldur útgáfutónleika í tilefni af nýrri plötu. Tónlistin er eftir meðlimi sveitarinnar og sprottin úr hefð djassins, lög sem eru byggð á laglínum og skilja eftir gott rými fyrir spuna, og nýja platan er í forgrunni. Í framlínunni eru tveir saxófónar, Ólafs og Hauks Gröndal. Þorgrímur leikur á bassa og Matthías MD Hemstock á trommur.