Bústaðakirkja heldur hádegistónleika alla miðvikudaga í október klukkan fimm mínútur yfir tólf og safnar um leið fyrir Ljósið, endurhæfingarmiðstöð fyrir fólk sem greinst hefur með krabbamein. Yfirskrift ársins er Lífið er fegurð og gleði. Þennan miðvikudag leikur Sóli Hólm af fingrum fram eigin stef. Jónas Þórir, organisti kirkjunnar, sér um dagskrá hádegistónleikanna að vanda. Aðgangur er ókeypis og gestum gefst kostur á að styrkja Ljósið. Léttar veitingar eru í safnaðarheimilinu á eftir gegn vægu gjaldi.