Prómeþeifur

Barbara Hannigan stjórnar og syngur, og efnisskráin sækir í fornar goðsagnir. Hún syngur Luonnotar eftir Sibelius, tónaljóð um gyðju lofts og hafs sem skapar heiminn úr brotum af andareggi. Bertrand Chamayou leikur einleik í Prómeþeifi, ljóði eldsins eftir Skrjabín, þar sem samspil lita, ljóss og skugga mótar verkið. Einnig hljóma A Haunted Landscape eftir George Crumb, Syrinx eftir Debussy og Aequora eftir Maríu Huld Markan Sigfúsdóttur, sem sækir innblástur í hafdjúpin. Tónleikarnir taka um tvær klukkustundir með hléi.