Jón Stefánsson kom í Langholtskirkju árið 1964 til að leysa af, sautján ára gamall, og stýrði kór hennar til ársins 2015. Hann hefði orðið áttræður í júlí. Fjórir kórar syngja honum til heiðurs á vígsludegi kirkjunnar, sem vígð var 16. september 1984: Gradualekór Langholtskirkju, Graduale Nobili, sem Jón stofnaði árið 2000, Kór Langholtskirkju og Góðir grannar. Gestir syngja með í nokkrum þekktum kórlögum, þar á meðal Locus iste og Hallelújakórnum, og úthlutað verður úr Minningarsjóði Jóns Stefánssonar. Aðgangur er ókeypis.