Hof

Menningarhúsið Hof stendur við höfnina í miðbæ Akureyrar og hefur verið eitt helsta kennileiti bæjarins síðan það var vígt á Akureyrarvöku í ágúst 2010. Arkþing vann samkeppni um húsið árið 2004 með hringlaga byggingu sem göngugata liggur í gegnum og skiptir í tvennt, klædda íslensku stuðlabergi að utan. Nafnið kom líka úr samkeppni: 338 tillögur bárust um 241 nafn og dómnefndin varð einróma um Hof. Í aðalsalnum, Hamraborg, eru sæti frá Prologus með áklæði sem tekur til sín hljóð eins og maður í jakkafötum sitji í því, svo auð sæti breyta ekki hljómburðinum. Tónlistarskóli bæjarins er á þriðju hæð hússins.