Hallgrímskirkja

Guðjón Samúelsson húsameistari hóf að teikna Hallgrímskirkju árið 1937 og lést árið 1950, þrjátíu og sex árum áður en hún var vígð. Í samkeppninni 1929 hafði verið áskilið að kirkjan rúmaði tólf hundruð manns og að turninn yrði nógu hár fyrir víðvarpið sem þá var í vændum. Turninn er 73 metrar, rís hæst bygginga yfir borgina, og er enn notaður til útvarpssendinga. Guðjón sótti formið í stuðlaberg, íslensk fjöll og jökla, og kirkjan reis hægt um þá hugmynd: kjallari kórsins var vígður sem kirkjusalur 1948, nýr salur í suðurálmu turnsins 1974 og kirkjan sjálf í október 1986. Klais-orgelið kom sex árum síðar, 72 raddir og 5.275 pípur.