Hádegistónleikar: Tuuli Rähni

Tuuli Rähni fæddist í Tallinn og lauk námi við Eistnesku tónlistarakademíuna árið 1991. Síðar lauk hún meistaranámi í píanóleik við Tónlistarháskólann í Karlsruhe. Hún starfaði í Kyoto í Japan um átta ára skeið og fluttist til Íslands árið 2005, þar sem hún lauk orgel- og kantórsnámi við Tónskóla Þjóðkirkjunnar hjá Birni Steinari Sólbergssyni. Hún er fastur gestur á Orgelsumri í Hallgrímskirkju og hefur leikið í Tallinn, Lüneburg, Bremerhaven, Hannover og Hasselt. Hún hefur einnig samið verk fyrir orgel. Efnisskráin hefur ekki verið gefin upp.