Hátíðartónleikar Árstíða

Árstíðir voru stofnaðar í Reykjavík árið 2008. Sveitina skipa þrír söngvarar sem skiptast á að syngja forsöng, og samsöngur þeirra er kjarninn í hljómi hennar. Eitt sinn sungu þeir óundirbúnir átta hundruð ára gamlan sálm á járnbrautarstöð, og upptakan fór víða. Níunda hljóðversplata sveitarinnar, Vetrarsól, kom út árið 2024. Hátíðartónleikar hennar hafa verið haldnir á hverju ári frá 2008, og nú syngur hún í Fríkirkjunni í Reykjavík 27. desember og í Akureyrarkirkju þann 30. Á efnisskránni er eigið efni ásamt hátíðar- og jólalögum. Með sveitinni koma bassasöngvarinn Pétur Oddbergur Heimisson og franskur strengjadúett, Jean-Samuel Bez fiðluleikari og Guillaume Lagravière sellóleikari, sem koma reglulega fram með henni erlendis.