Laugarneskirkja

Laugarneskirkja er friðlýst og teiknuð af Guðjóni Samúelssyni, þá húsameistara ríkisins. Hún var vígð 18. desember 1949 og markar upphafið á síðasta skeiði hans: skrautið er horfið, en stöllunin í turninum, sem er tuttugu og fimm metra hár, minnir enn á stuðlaberg. Gréta Björnsson skreytti loft kirkjunnar árið 1956 ásamt Jóni Björnssyni manni sínum, sömu hjónum og máluðu Selfosskirkju. Kirkjan var endurbætt utan sem innan á árunum 1987 til 1989 og tekin í notkun á ný 10. september 1989. Björgvin Tómasson smíðaði orgelið, sem er tuttugu og átta radda og var vígt á aðventu 2002. Í turninum hanga þrjár klukkur.