Schumann & Beethoven

Bar Avni stjórnar, og kanadíski sellóleikarinn Bryan Cheng leikur sellókonsert Schumanns. Konsertinn fékk blendnar viðtökur í fyrstu en er nú meðal þekktustu sellókonserta rómantíska tímabilsins. Sinfónía Charlotte Sohy í cís-moll er lýsing konu á stríði þar sem lítið fer fyrir hetjudáðum og meira fyrir ótta og óvissu. Tónleikarnir hefjast á stuttum forleik Lili Boulanger um vormorgun í París og enda á þriðja Leónóruforleik Beethovens. Avni vann La Maestra-hljómsveitarstjórakeppnina árið 2024. Tónleikarnir taka um tvær klukkustundir með hléi.