Poga stjórnar Shostakovitsj

Tónaljóð Rakhmanínovs, Eyja hinna dauðu, er innblásið af samnefndu málverki Arnolds Böcklin. Á eftir því kemur þrettánda sinfónía Shostakovitsj, Babí Jar, sem samin er fyrir bassasöngvara, karlakór og hljómsveit við ljóð Jevgenís Jevtúsjenko. Alexander Roslavets syngur, og með honum eru Karlakórinn Fóstbræður og Sönghópurinn Kyrja. Andris Poga stjórnar. Tónleikarnir taka um tvær klukkustundir með hléi.