Lýríska sinfónían

Lýrísk sinfónía Alexanders Zemlinsky hljómar hér í fyrsta sinn á Íslandi. Verkið er samið undir sterkum áhrifum frá Mahler, að sögn hljómsveitarinnar, og fjallar um eftirsjá og þrá. Ólafur Kjartan Sigurðarson og Bryndís Guðjónsdóttir syngja. Á undan hljómar áttunda sinfónía Schuberts, Ófullgerða sinfónían, sem hann skildi eftir með tveimur þáttum af fjórum og enginn hefur skorið úr um hvers vegna. Ingo Metzmacher stjórnar og kemur nú fram með hljómsveitinni í fyrsta sinn. Tónleikarnir taka um tvær klukkustundir með hléi.