Svanavatnið: Symphony of Lights er ný uppsetning á ballett Tsjajkovskíjs þar sem búningar dansaranna eru upplýstir og ljósahönnunin er í forgrunni. Sagan er sú sama og í ballettinum sem frumsýndur var í Bolshoj-leikhúsinu í Moskvu árið 1877: Siegfried prins verður ástfanginn af Odette, prinsessu sem galdramaðurinn von Rothbart hefur breytt í svan. Harpa nefnir hvorki dansflokkinn né dansarana. Ekki kemur heldur fram hvort tónlistin sé leikin af hljómsveit á staðnum eða af upptöku.