Þjóðlagasetur sr. Bjarna Þorsteinssonar

Þjóðlagasetur sr. Bjarna Þorsteinssonar er í Maðdömuhúsi í miðbæ Siglufjarðar, timburhúsi frá árinu 1884 sem síðar var kallað Hafliðahús. Séra Bjarni Þorsteinsson bjó þar á árunum 1888 til 1898. Setrið var vígt 8. júlí 2006. Gunnsteinn Ólafsson er í forsvari fyrir það. Þar eru sýndir munir úr búi Bjarna og Sigríðar Blöndal, konu hans, meðal annars handrit með þjóðlögum og tónsmíðum, og íslensk hljóðfæri, langspil og fiðla. Í stofunum eru sýndar upptökur sem Gunnsteinn og Dúi Landmark kvikmyndagerðarmaður tóku á árunum 2005 til 2024, og allt efnið er aðgengilegt í tölvum á Norðurlofti. Setrið stendur fyrir Þjóðlagahátíðinni á Siglufirði fyrstu heilu vikuna í júlí ár hvert. Á sumrin eru þar einnig haldnir tónleikar. Það er opið daglega frá eitt til fimm frá 1. júní til 31. ágúst og eftir samkomulagi aðra hluta ársins.