Sandgerðiskirkja

Sandgerðiskirkja var teiknuð af Magnúsi Ólafssyni arkitekt og vígð árið 1998. Hún var hönnuð sem kirkja og vígð sem slík, en hét Safnaðarheimilið í Sandgerði allt til ársins 2018, þegar nafninu var breytt í Sandgerðiskirkja-safnaðarheimili. Húsið er ferningslaga undir píramídaþaki úr fjórum þríhyrningum sem mætast í toppi. Innan dyra er þríhyrningurinn endurtekinn í parketinu á gólfinu, í klæðningunni í loftinu og í lagi altarisins. Altaristaflan er sjö steindir gluggar eftir Höllu Haraldsdóttur með myndum af fiskum og brauði, og stállistar sem síðar voru settir umhverfis þá í samráði við arkitektinn mynda kross. Skírnarfonturinn stóð áður í Hvalsneskirkju. Sveinn Ólafsson myndskeri skar hann úr eik árið 1966, og skálin er úr brenndum leir af Reykjanesi.