Hafnarfjarðarkirkja

Hafnarfjarðarkirkja var teiknuð af Rögnvaldi Ólafssyni árið 1909 og vígð 20. desember 1914. Fram að því sóttu Hafnfirðingar kirkju að Görðum á Álftanesi, og margir gripir Garðakirkju fylgdu í nýju kirkjuna: altaristafla danska málarans Rudolfs J. Carlsen, sem sýnir upprisuna, prédikunarstóllinn og skírnarfonturinn. Yfirsmiðurinn, Guðni Þorláksson, lést úr lungnabólgu um það leyti sem smíðinni lauk, og lík hans var borið í kirkjuna á Þorláksmessu. Kirkjan er steinsteypt og friðlýst, með háu píramítaþaki á turninum og steindum gluggum eftir Fritz Oidtmann. Í henni eru tvö orgel. Á söngloftinu stendur orgel Christians Schefflers, tuttugu og fimm radda og vígt 2008, og í kirkjuskipinu barokkorgel eftir Kristian Wegscheider, tólf radda og vígt 2009.