Græni hatturinn

Græni hatturinn er tónleikastaður í kjallara hússins Parísar við Hafnarstræti 96, í miðbæ Akureyrar. Sigvaldi Þorsteinsson stórkaupmaður reisti húsið árið 1913 fyrir verslun sína, París. Það er tvílyft timburhús klætt bárujárni á háum kjallara, með turnum á hornum, og ytra byrði þess var friðlýst árið 2007. Á jarðhæðinni er kaffihúsið Bláa kannan. Haukur Tryggvason tók við rekstri Græna hattsins 14. febrúar 2003. Fyrsta árið voru þar dansleikir. Síðan sneri hann sér að tónleikum, sem urðu um 2.300 á fyrstu tuttugu árunum. Þar koma einkum fram íslenskir listamenn. Opið er aðallega um helgar þegar eitthvað er á dagskrá.