Orgelsumar í Hallgrímskirkju

Orgelsumar er sá hluti tónleikaársins í Hallgrímskirkju sem fellur á júlí og ágúst. Kirkjan skiptir tónleikahaldi sínu í fjóra hluta: Vetur og vor, Orgelsumar, Haust í Hallgrímskirkju og Aðventu og jól.

Á hverjum laugardegi og sunnudegi þessa tvo mánuði leika íslenskir og erlendir organistar á Klais-orgelið og Frobenius-orgelið, klassíska orgeltónlist og nýja. Laugardagstónleikarnir eru í hádeginu og sunnudagstónleikarnir síðdegis. Á Menningarnótt í lok ágúst er lengri viðburður: Sálmafoss árið 2025 og Orgelmaraþon árið 2026.

Sumartónleikarnir hófust áður en kirkjan tók við þeim. Klais-orgelið var vígt 13. desember 1992, og frá þeim degi stóð Listvinafélag Hallgrímskirkju fyrir orgeltónleikum sem uxu í Alþjóðlegt orgelsumar. Félagið hvarf frá kirkjunni eftir að sóknarnefndin sagði upp samstarfinu árið 2020, og nú er sumarröðin kirkjunnar sjálfrar.

Dagskráin birtist á hallgrimskirkja.is og hér á síðunni þegar hún er komin fram.