Orphei Drängar er karlakór frá Uppsölum. Hann var stofnaður árið 1853 og hefur haft níu stjórnendur síðan, þar af Ceciliu Rydinger frá 2008. Efnisskrá kórsins er sprottin úr norrænni karlakórshefð, og hann pantar jafnframt ný verk hjá samtímatónskáldum. Nú kemur hann til Íslands í fyrsta sinn síðan 2002 og syngur eina kvöldstund í Skálholtsdómkirkju. Hvað sungið verður hefur ekki verið gefið upp.