Vínartónleikar

Vínartónleikarnir eru haldnir fjórum sinnum í byrjun janúar. Á efnisskránni eru valsar, polkar og galopp ásamt aríum og dúettum úr óperettum. Harpa Ósk Björnsdóttir syngur sópran og er fastráðin við Theater Basel í Sviss, og Eggert Reginn Kjartansson syngur tenór, en hann söng Don José í Carmen hjá Kammeróperunni. Samkvæmisdansarar stíga spor í Eldborg. Christoph Koncz stjórnar. Tónleikarnir taka um tvær klukkustundir með hléi.