Fjölskyldutónleikar byggðir á ljóðum eftir börn. Barnakórar og söngvarar flytja ný og eldri verk eftir íslensk og norræn tónskáld við ljóð barnanna, börn lesa upp eigin ljóð og myndverk þeirra eru sýnd á skjá meðan tónlistin hljómar. Ljóð og myndir má senda inn á vef hátíðarinnar fyrir tónleikana og sum þeirra verða tónsett sérstaklega fyrir kvöldið. Hátíðin biður um verk um framtíðina, drauma, náttúru og loftslag.