Tjarnarbíó

Húsið var reist 1913 sem íshús fyrir ís sem tekinn var af Tjörninni, eitt þriggja sem stóðu við hana. Annað brann og hið þriðja hýsir nú Listasafn Íslands, svo bæði húsin sem eftir standa þjóna listum einum. Háskóli Íslands gerði þetta að kvikmyndahúsi árið 1942, með tæplega fjögur hundruð sætum, og hafði af því svo góðar tekjur að hann gat byggt Háskólabíó. Hinn 1. nóvember 1953 opnaði fyrsti kvikmyndaklúbbur landsins hér með Heilagri Jóhönnu eftir Carl Dreyer og rússneskri píanótónlist undir myndinni, og biðröðin náði langt út eftir Tjarnargötu. Sjálfstæðu leikhúsin hafa haft húsið frá 1995 og endurbyggðu það á árunum 2008 til 2010. Svalirnar fóru 2015 og eftir stóð ein samfelld áhorfendabrekka með 180 sætum.