Elisabeth Leonskaja

Elisabeth Leonskaja leikur ein á píanó daginn eftir að hún kemur fram með hljómsveitinni. Á efnisskránni er fantasía Beethovens op. 77, sem hann lék líklega fyrst af fingrum fram á tónleikum árið 1808 og festi á blað ári síðar, og síðasta píanósónata Schuberts í B-dúr, sem hann samdi skömmu fyrir andlát sitt og kom ekki út fyrr en að honum gengnum. Leonskaja fæddist í Georgíu, sigraði Enesco-píanókeppnina árið 1964 og hefur búið í Vínarborg frá 1978. Tónleikarnir taka um klukkustund án hlés.