Konungur ljónanna

Sinfóníuhljómsveit Íslands leikur tónlist Hans Zimmer við Konung ljónanna á meðan myndin er sýnd í Eldborg. Teiknimyndin er frá 1994 og tónlistin er samin af Zimmer ásamt Elton John og Tim Rice, en suðurafríski tónlistarmaðurinn Lebo M. átti stóran þátt í hljóðheimi hennar. Myndin er sýnd tvisvar: á föstudagskvöldi með ensku tali og íslenskum texta, og á laugardegi með íslensku tali.