Aðventutónleikar

Matthew Halls stjórnar efnisskrá úr klassíska tímanum. Tónleikarnir hefjast á balletttónlist úr óperu Mozarts, Idomeneo, sem lengi hefur hljómað ein og sér í tónleikasölum. Geirþrúður Anna Guðmundsdóttir leikur einleik í sellókonsert Haydns í D-dúr. Þá hljómar sinfónía í C-dúr eftir Mariönnu Martines, sem oftast er talin fyrsta konan til að semja sinfóníu, og tónleikunum lýkur á Linz-sinfóníu Mozarts, sem hann samdi í stuttri viðkomu í borginni árið 1783. Tónleikarnir taka um tvær klukkustundir með hléi.