Bálrautt teppi úr bútasaum

Ný ópera fyrir börn sem spyr hvers vegna svo fá lög séu til um haustið, og hvers vegna þau séu öll grá. Gísli Jóhann Grétarsson semur tónlistina og Oda Fiskum textann og sviðsetninguna. Þetta er þriðja óperan sem þau vinna saman í norræna hópnum Operakollektivet og hún er frumflutt hér. Messósópran og harpa, aríur í bundnu máli, blekteikningar og spurningar af því tagi sem börn spyrja í raun og veru, þar á meðal hvort tómatsósa bragðist betur í gegnum vettling. Sungið á íslensku í þýðingu Sólveigar Sigurðardóttur.