áttir

Lilja María Ásmundsdóttir samdi áttir fyrir Heiðu Árnadóttur, fyrir rödd, rafhljóð og hljóðskúlptúra sem komið er fyrir víðs vegar um Fríkirkjuna og Heiða vekur til lífsins á tilteknum stöðum í verkinu. Nóturnar eru engar. Í staðinn er grafísk nótnaskrift unnin úr ljósmyndum af sömu plöntunni, teknum í febrúar, um vorjafndægur og að sumri. Verkið var fyrst flutt á jafndægrum, þegar dagur og nótt eru jafnlöng, og um það jafnvægi og þau umskipti fjallar það.