Jólatónleikar með Anne Sofie von Otter

Sænska messósópransöngkonan Anne Sofie von Otter syngur í Hörpu í fyrsta sinn. Með henni leika píanóleikarinn Bengt Forsberg, sem hefur unnið með henni í áratugi, og gítarleikarinn Fabian Fredriksson, og gestur þeirra er sópransöngkonan Álfheiður Erla Guðmundsdóttir. Á efnisskránni er jólatónlist í bland við sönglög frá ólíkum tímum, meðal annars eftir Schubert, Hugo Wolf, Sibelius, Bach, Fauré, Ravel og Arvo Pärt. Von Otter hefur sungið í fjóra áratugi, bæði óperu og ljóðasöng, gefið flestar plötur sínar út hjá Deutsche Grammophon og unnið með Elvis Costello, Brad Mehldau og Rufus Wainwright. Sumarið 2026 söng hún eitt aðalhlutverkanna í Passion of the Common Man eftir Daníel Bjarnason, sem var frumflutt á Bregenzer Festspiele. Álfheiður Erla var ECHO Rising Star fyrir hönd Hörpu veturinn 2025 til 2026 og söng titilhlutverkið í Alice in Wonderland, óperu Unsuk Chin, í Theater an der Wien. Tónleikarnir eru þeir fyrstu í Ópus Reykjavík, nýrri listviðburðaröð sem hún stofnaði, og eru haldnir í samstarfi við Hörpu.