Grafarvogskirkja

Grafarvogskirkja stendur við Fjörgyn og var reist eftir teikningu Finns Björgvinssonar og Hilmars Þórs Björnssonar, sem unnu samkeppni um hana með þrískipa kirkju í anda eldri kirkjubygginga. Miðskipið er steinsteypt og klætt steini, og við enda þess stendur steindur gluggi Leifs Breiðfjörð, Kristnitakan, um sex metrar á breidd og tólf á hæð, sem gegnir jafnframt hlutverki altaristöflu. Í loftinu eru hvítar málmplötur sem stýra ómtímanum, og hann lengist eftir því sem nær dregur altarinu. Söfnuðurinn safnar nú fyrir nýju orgeli.