Eskifjarðarkirkja

Eskifjarðarkirkja var vígð 24. september árið 2000 og var hönnuð með tónleikahald í huga, enda þjónar hún jafnframt sem menningarhús. Arkitektastofa Gylfa Guðjónssonar teiknaði hana. Tónlistarmiðstöð Austurlands, sem var stofnuð árið 2001, hefur aðsetur í kirkjunni. Húsið er hannað til að færa flytjendur og áheyrendur nær hver öðrum, bæði í sjón og heyrn. Salurinn tekur rúmlega 300 manns í sæti og stækka má hann um hundrað sæti til viðbótar. Eldri kirkjan á Eskifirði var afhelguð og árið 2006 var leyft að breyta henni í íbúðarhús.