Kammerkór Seltjarnarneskirkju

Kór sem starfar við Seltjarnarneskirkju og heldur þar vor- og jólatónleika ár hvert, auk þess að syngja við messur. Stjórnandi hans er Friðrik Vignir Stefánsson, organisti og tónlistarstjóri safnaðarins. Kórinn hefur einnig haldið kaffihúsatónleika í safnaðarheimilinu og sungið með Sinfóníuhljómsveit áhugamanna. Á jólatónleikum ársins 2025 söng hann fimm aðventu- og jólasálma í útsetningum Bachs, eitt erindi á þýsku með hverjum sálmi, og á undan hverjum þeirra hljómaði sálmforleikur úr Orgelbüchlein, litlu orgelbókinni sem Bach samdi í Weimar.