Íslenskur bassi sem nam við Söngskólann í Reykjavík og í Vínarborg, þar sem hann söng þrjú starfsár við Volksoper frá 1997. Síðan hefur hann sungið við Staatsoper í Berlín, Opéra Bastille, Lyric Opera í Chicago og New National Theatre í Tókýó. Barón Ochs í Rósariddaranum og Osmín í Brottnáminu úr kvennabúrinu eru hans tvö helstu hlutverk, og hann hefur sungið nánast öll bassahlutverk Wagners, frá Daland til Hagen.
